Wp/neu/Atom

From Incubator Plus 2.0
< Wp‎ | neu

Un atom sar un partul anda nuklo de protonos ed of som neutronos umat pe elektronos. L’atom sar lo baza partul del kema elementos, e lo kema elementos distingat pel qanto de protonos in sa atomos. Po exemplo, kel atom kon 11 protonos sar sodyo, e kel atom kon 29 protonos sar kupro. Lo qanto de neutronos defenar l’isotop del element.

Atomos sar extreme leta; za diametro c. 100 pikometros. Lo diametro d’un oma kaplo sar c. largeso de milyon karbona atomos. Eto letira qam lo kurtesta ondolongo de vidibla lum, dete omos no par vidi atomos meze konvensa mikroskopos. Atomos tan leta ke no sar posibla predici za konduk meze klasika fizik kauze qantuma efektos.

Plu qam 99,94% del atoma maso sar nel nuklo. Shak proton ar un positiva kargo elektra, dun shak elektron ar un negativa kargo, e lo neutronos, es zi adsa, ar nil kargo elektra. Es qantos de protonos ed d’elektronos sar egala, alor l’atom sar elektre neutra. Es un atom ar plu elektronos qam protonos, eto ar negativa kargo elektra (un anion). Es l’atom ar plu protonos qam elektronos, it ar positiva kargo (un kation).