Меджусловјанска Википедија
Добродошли в Википедију на Меджусловјанском језыке! DobrodoŠli v Vikipedijų na Medžuslovjanskom jezyke!
Что јест Меджусловјански езык?[edit]
Меджусловјански јест језык, кторы Словјани из разных народов користајут, же бы комуниковали меджу собоју. То јест можно, ибо словјанске језыки сут сходна и сродна група. Знанје једного језыка обычно јест достаточно, же бы имело се приблизно појманје, о чем јест текст на каком-небудь другом словјанском језыку. Чрез веки, Словјани сут научили договарьати се со својими суседами посредством простых, импровизованых наречиј. Једночасно, меджусобна сходность всех словјанских језыков јест надыхала језыкознавцев и других к творјенју генеричного словјанского језыка, разумливого всем Словјанам. Сред них находет се славны староцрковнословјански језык из 9. столетја, как и многе ине пројекты, публиковане од 16. столетја до днес под именами како «всесловјански», «меджусловјански», «новословјански», «обчесловјански» или просто «словјански», все основане на техже предположенјах, что чини их близко идентичными.